1315 März 28. Ohlau

Herzog Boleslaw bestätigt den Verkauf eines Zinses auf Brieger Kaufkammern und Mühlen an das Kloster Heinrichau.

In nomine domini amen. Nos Bolezlaus dei gracia dux Slezie et dominus Legnicensis universis tam presentibus quam futuris huius pagine testimonio cupimus fore notum, quod Hildebrandus noster fidelis judex hereditarius Bregensis coram nobis sane mentis et bone valetudinis constitutus fatebatur, se rite et racionabiliter vendidisse domino abbati et conventui de Henrichow pro centum et decem marcis usualis pecunie uudecim marcas liberi census, decem videlicet marcas super viginti cameras in mercatorio Bregensi et unam marcam super quatuor molendina, quorum unum situm est retro fratres minores super fossatum, reliqua tria in defluxu Odre prope Ratay, ita quod quelibet dictarum camerarum dimidiam marcam et quodlibet molendinum unum fertonem usualis monete solvat predicto domino abbati et suo conventui in festo beati Martini annis singulis dilacione qualibet propulsata. Adiecit eciam idem Hildebrandus, prefatam summam centum et decem marcarum sibi a domino abbate fore totaliter persolutam, abrenuncians nichilominus pro se et suis successoribus omnibus inpeticionibus, accionibus et repeticionibus, quas eisdem dominis sive monasterio predicto posset in posterum facere vel movere; hanc autem vendicionem utraque pars a nostra petiit benivolencia confirmari. Nos igitur attendentes, quia fratres de Henrichow sunt in Christo nostri speciales alumpni, utpote quorum cenobii fundacio a nostris pie recordacionis progenitoribus ad nos legitima successione manavit, prescriptam vendicionem, emcionem et resignacionem gratam et ratam habentes prenominatum censum cum iure omni, dominio et libertate, sicut nos eum hactenus semper liberum habuimus, sepedicto domino abbati et conventui contulimus tenendum, habendum et iure proprietatis perpetue possidendum. Si vero heredes aut possessores dictarum camerarum molendinorum prelibatum censum in festo beati Martini monasterio de Henrichow non persolverint, extunc ipsi fratres per nuncium iudicis nostri hereditarii, qui eis ad hec sine dilacione concedendus est, ipsos heredes aut possessores in cameris et molendinis sive in domibus, ubicunque pignora comodius invenire poterunt, inpignorabunt, aut si pignora inveniri nou possunt, tunc predictum censum super ipsas cameras et molendina inter iudeos ad usuras accipient, et quidquid ex hoc dampni succreverit, in heredes et possessores dictarum camerarum et molendinorum totaliter redundabit. In cuius rei testimonium presentes litteras scribi et nostri sigilli munimine fecimus roborari. Actum et datum Olavie anno domini millesimo trecentesimo decimoquinto, presentibus Alberto Barth, Hentzschone de Palow, Thamone Quaz militibus, Johanne de Schiltberg, Luthero, fratre suo Theodrico pincerna de Appolde, Wischcone de Schiltberg et Gisilhero, plebane de Olavia, cappellano nostro, per quem quinto kalendas Apriles presencia sunt conscripta.

An rother Seidenschnur das Siegel wie bei No. XI.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.